Aotearoa

Es geat "Nachhause"

2008-05-05T21:48:00.001-07:00

I bin am Ziel meina Reise unkemm! Do Grund wieso i noch Neuseelond gfohrn bin, wor net lei a nois Lond kennen zi lernen, Sproche odo fun zi hom. Na, mir wor net klor wos i brauch, wos fi mi wichtig isch, wo meina Zukunft isch. I hon mo olm gidenkt, dass i olles alone schoffn konn, alone stork sein konn. Obo wenns oan net guat geat nocha sig man erst wia schwoch man eigentlich alone isch. Iaz woas i wos i brauch, wo i hinkehr. Meina Familie hot olm gsog i soll decht amol hoam kemm! Mi hot obo epas dokoltn, i hons et glabm giwellt, hon giwellt aloane entscheidn, mein Weg fen. I hon in gfun, hon Fehla gimocht, obo dofir woas i iaz wohin i kear, und i wer mi afn Weg mochn "Nachhause"

kayaks

2008-04-28T00:02:00.001-07:00

Hi, des sein 4 fa 4 Kayaks de i noch Italien schiff fir a poor kollegn! I hoff si gfoll enk!

Beste Gruesse

Hummo!

2008-04-04T23:05:00.000-07:00

Zur Zeit seimo in do Factory gor awin busy, und nocha kocht mol do oane und mol do ondre!
Geston hot ins do Boss an Hummo serviert! Like Sushi! Den hom se is Oastowochende in do Gegend fan Tranaki gfong! Nicht schlecht!

Hummo!

Oastowochenende!

2008-04-02T00:36:00.000-07:00

Hoi am Ostowochenende, isch zwor schun awin her, sem hot do Saenga fa Opshop (=second hand Gschaeft) in Toupo gspielt. Supo Musik, holt awin longsom! Sem hon i in Ivan gitroffn, odo sein neuseelaendischn Bruido! der in do Mitte! Do gleiche Spinna holt!

wer isch do wol mehr augfoll? do Kayakcollege odo do Frontman fa Opshop

wenn as ginau hinschaug, nocha wisst as fa wo die Kiwi herkemm!

sem brauch i decht et Neuseelond fohrn, bleib i glei dohoam!
Gruesse
Markus

i bin Onkl!

2008-03-29T23:43:00.000-07:00

Schaug enk de jo guat un! Des werd amol a Schneidiga!
Iaz bin i Onkl giwordn fa do Sophie und net umma! I hoff sie konn nou awin wortn bis i ra die Bledsinne zoagn konn!

Beste Gruesse an die Elton Marion und Matthias!

arbeiten!

2008-03-16T00:10:00.000-07:00

Gia amigos, wia as olla wisst konn man net olm lei Urlaub mochn im Lebm! In a galing isch is Geld fertig und man isch froa wenn man af an Ort bleibm konn und in an Bett schlofen konn!
Mein Plan isch iaz 5 Munat ba do Bliss-Stick Faktory zi orbeiten und nocha sobol do Schnea do isch a poor Actionen zi starten wenns mi net vorher hoam ziag! Hon schun leste Woche unkeb und zur Zeit homo gor awin zi tian! Somit hon i a net recht viel af meinen Blog zi stellen. Mochts guit, und lots enk guit gian!

fuehl mi ziemlich wohl ba die Neuseelaenda

2008-03-08T15:19:00.001-08:00

Am Somsta wor i afn Pazific Festival!

die Hoor san weck!

2008-03-08T14:43:00.001-08:00

Nochdem dass mir iaz sogor do Cousin Daniel gschriebm hot i schaugat aus wia a Hippie und i sollat mir decht die Hoor schneiden hon is wol gitun! Meina schiana Blonda Mehne isch weck, isch des fein!
Obo des hot gidauot! As erstis wor i mo net klor wia i mo se schneidn loss und vorollem wo!
Jo a Kiwifrisur muss her und billig! Bin also die Queenstreet longgiloffn und hon amol gschaug! Fa 46$ af 15$ und af oamol hon i do die Barbierschuile gsechn und sem ischs gratis! Obo sobol i in des Schaufensto gschaug hon, hon i mo gidenkt i schaug mo grot a so a Kronknhausserie in Fernseher un. 4 Leit um an Patient und jedo schnibselt manondo! Hon schun giwellt gian obo irgendwia hon i mo gidenkt des werd sicho a Spass! Sel wors a! Do Horrschneida wor soffl nerves, dassa sich ernsthofte Voletzungen zuigezogn hot! In Unfong hot a gonz wilde an meina Hoor girissen, weil a ban kampln koan Spritza benutzt hot und sobols gor nimma gong isch hot a woll an Spritza benutzt obo do Strohl wor soffl stork dass is gonze Gsicht volla Wosso kob hon. Ban schneiden isch ihm nocha olm do Kampel odo die Schare afn Boden gfoll weil a soffl gizittot hot. In meinem Gsicht worn olles Hoor mit do Zeit und af oamol hot a gsog Hold on a sekond. Kemm isch a noch a poor Minuten und hot mo gsog dass er nimma weita schneiden konn, weil a sich in die Hond gschnitten hot und des soffel tiaf isch dass man in Knoche sig! Lei guat dass des net mein Oare wor! Donoch hot mir do Professor die Hoor fertig gschnitten! Wor i froa und hon i Glueck kob! Professionell sicho und schnell ischs gong und sel gratis!
Is negste mol wer i woll decht bessa widdo zin Dax noch Luchta gian. Sem passts holt!

Luftige Hoehen!

2008-02-28T19:28:00.000-08:00

Griest enk, is zachschte zum Obschluss! Mir wors noch decht awin zi hoach, obo do Harry der Hund gib sich in ultimativen Adrenalinrausch! 4000 m freier Fall ins nichts! Na er leb schun nou, lai guit dassa net aloane wor!

der FixWings heb a nimma longe!

"ma fliag ou, wor des et do hommo" Harry sobola widdo festen Boden unto die Fiasse kob hot!

Eliot Bay, des isch oando fa die schiansten Straende Neuseelands

segas is Zelt!

Iaz werd wol bolamol do Winto kem!
See you
Markus

Shipwreck Bay

2008-02-26T18:03:00.000-08:00

Hey,
die lesten Toge wormo gonz im Norden! Richtung Cap Rainga!

Shipwreck Bay isch oans fa die bekonntischten Sufspots fa Neuseeland und mir hom widramol die besten Bedingungen kob! Traumhoft! Mir worn in gonzen Tog in Wosso und sein lai aussa um ins a Creme ins Gsicht zi tian und wos zi essen! Nochen Sufen hot sich nocha nou do Boden beweg fa lauto gstount fan Wosso und olm afs Meer schaugen! I glab des san Onzeichen fir die Seekronkheit!

geston awin greassa,

heit in do fria awin kliana!

es konn et olm guat gian!

2008-02-24T18:14:00.000-08:00

Am Somsta in do fria, bzw. die Nocht hots volle giregng obo mir hom gidarft ba an Kollege fa Norwegen ibonochten! Leido wor in negsten Tog is Auto nimma do wo is die Nocht dovor hingstellt hon! Scheiss Regn scheiss Oschleppa! 200$ in Wind gschossen!
I hon jo olm gsog, Groassstaette san do greschte Scheiss! Die Leit san anfoch net so gimiatlich drau wia mans brauch! Ab in den Norden!

de hom nou mehr Pech kob!

Wasserfall!

2008-02-21T15:11:00.000-08:00

Iaz muss i enk nou 2a beriga Wossofaelle zoagn!

der isch ba Raglan

der ba Waitomo

Mission Caving

2008-02-21T14:10:00.000-08:00

Am Diansta wormo widramol af Mission, Mission in die Untowelt! Ausgiristit mit Stirnlompe und Wurfsock und an Schuss Adrenalin! Lei guat dassmo widdo aussa kemm sein, dunkel wors lei ginua, und dreckig und feicht a! Und des do weita man inne geat des do mehr Wege tian sich au bezieungsweise Irrwege! (-:

vor dem Einstieg

Gluewuermchen unter Strom

noch do Expedition, des Zoig muss zi waschen!

Haustier oder Strassentier

2008-02-21T14:04:00.000-08:00

Des isch anfoch Lustig, i woas net obs a Brauch isch odo geaz den Ziagn bessa nebm do Strosse, obo ban a haufen Heiso leb die Zieage gfesselt an a Lein ausoholb fan Gorten!

surfen, surfen, wellreiten

2008-02-21T13:24:00.000-08:00

Gia Amigos,

iaz wormo die lesten Toge ban surfen in Taranaki und Raglan und hom perfekte Bedingungen kob! 1.5 bis 2 Meter clean waves und Offshore! Hey Robby des war wos fi die giwedn! Iaz hon i an Muskelkoto, oan Tog Pause und nocha schaugmo ob mo mein Surflehra, ba den is vor 7 Johr gilernt hon, im Norden treffen!

Weg zur Beach Raglan

wildes Campm on the Beach

im Solzwosso bekemm die Hoor anfoch mehr Volumen

do Harry hot oan, zwoamol schun amol a Bier in Nomittog gizischt, ob die Surfergang hot schun um 10a in do Fria an rausch kob! gefaehrlich gefaehrlich, neb enk in ocht!

The new style, surfing with a paddle

Hawera Wasserturm

2008-02-15T15:53:00.001-08:00

Geston homo widramol wos onstaendigis zi beissen kriag! Die Zubereitung hot zwor awin laenga gidauot, obo dofiar hots gschmeckt!

Heite homo ins giwellt an Atraktion gebem, obo sie hom ins glei widdo voschickt! (siehe Bild)

Mt. Egmont

Tschuess bis bold!

Wos man do et ols daerf!

2008-02-14T16:10:00.000-08:00

Haiso fiarnse manondo und the beach is a road! crazy moand do Harry!

Longsom obo sicho Richtung Norden

2008-02-13T15:32:00.000-08:00

hoi,

do sein poor Fotos fa do Obendstimmung in Te Hor(r)o(r) Beach. Iaz wer mo ins nocha a Surfbrett besorgen und fa Strond zi Strond ziachen!

Landschaftsfotos in der Wildnis

2008-02-10T16:19:00.000-08:00

Hi, iaz hon i enk a poor Bildo innigstellt afn Weg fan Sueden Richtung Norden!
Zur Zeit herrscht do ibroll extreme Brandgefahr! Es hot leido schun longe nimma giregng, deswegn ischs a so braune!

schun widdo ban owaschen!

Zelten am Lookout vor Picton

zur Zeit sammo widdo in Taihape ba do Factory! brauch jemand a Kayak! (-:

Maruia Fall Session 2

2008-02-07T20:19:00.000-08:00

Gia Amigos,

heit homo ins namol in Maruia Fall gebm, obo ohne Kayak! (-:

Mir san obo net gsprung, weil mo is Adrenalin gibraucht hom, na weil mo gstunken hom!

In Harry schmeckt do anfoch is Bier zi guat!

und ein bisschen gruene Landschaft damit as enk schun amol afn Summo instell kennt!

See you!

do Harry isch do!

2008-02-06T16:31:00.001-08:00

Iaz am 5. Februar (dohoame werds kolt sein, do a!) hon i um 12 znochts in Harry afn Flughofen in Christchurch okohl! gonz bloche wor a, und i woas et obs die miedikeit wor, is Essen, odo anfoch do horte Winto ba ins dohoam!

Zin glick hot in guaten Mohnkuchen fa do mama ban Zollkontrolle durchgschmuggelt, sischt het i ihn glei widdo hoam gschickt! Des wor iaz die lesten zwoa Toge a traumhoft guitis Fruehstueck mit a Vanillamilk! Danke an die beste mama do welt!

Af jeden foll wormo gesten do in do Gegend Christchurch untowegs und hom so einiges interessantes beobachtet! Ban an Kuenstla afn Grund hom se an ormen Italiena fohungon lossen, er wor holt af an Plumsklo gifesselt mit an Stocheldroht!

(mir gian dofun aus, dass es sich um an Italiena hondelt, weil af sein Helm die Forbm fa do Flagge zi sechen worn)

Shit! Shit happens! Zum Glueck sammos odohaun!

is kochen in an brandgefaehrlichen Naturschutzgebiet bei Wind isch um so aufregender! (obo fan Harry do Vatti isch jo ba do Feuerwehr!)

Die negsten Toge ziachmo Richtung Norden!

Beste Gruesse
Markus und Harry

Sehenswertes!

2008-02-05T15:23:00.000-08:00

Hoki by Night

Einheimisches Wuestenfiech!

Am Munta homo ins ins Landbourg River Tol innifliagen gilosst! A Multidaytrip af oanfochen Whitewosso wor ungsog! 35 km 3/4 mit perfekten Blick af die Gletscha!

Do Pilot wor a Bauo, der grot fan Bett ausa isch und FlippFlopp unkob hot! As erstis homo erst amol die Boote ins Netz gibockt und is schwarste dobei isch in Karabina ban Heli inziheng!

Donoch isch ob gongen! Der Pilot wor oanfoch genial! Er hot ins die Rapids fa 10 Meto Entfernung gizog! Der isch durch de Schlucht mit 200 Sochen grot dassa net gstraft isch, et letz, obo dofir wor mir nocha letz!

Des wor isch 5 Sterne Hotel inkl. is Schwedische-Bikini-Team. Des misst as iaz net vostian!

KiwiHonkong Jan, Kiwi Damian, Alaska John, Schweden Johannsen

Best Rapid on the way!

Wanganui 4+ (5) - 3

2008-02-01T15:32:00.000-08:00

Hoi, geston hon i in Wanganui gipaddelt mit an Tschechisch-slowakischen Team. Mir worn zi 11 obo i bin mo ziemlich a lone fir kemm, weil i sie net recht voston hon! Obo dechto wors widdo amol genial! Is Wetto wor net is beste und meina Linien a net! Desmol hon i leido koana Fotos, weil mein Fotograf James do Englaenda net dobei wor! Do erst Obschnitt wor et oanfoch obo guat mochbor! Is beste an dem Tog worn die Hotpools! 2 km bevor do Run zu Ende isch, san af do linken Bochseite fein worma Pools wo man richtig berig relaxen konn!

See you!
Markus

Perth (5)

2008-01-29T13:52:00.000-08:00

Hoi, wia geaz enk?

Geston wor Mission Perth ungsog! Se isch a Boch der an Grad schwara wor als die Baeche zuvor! Steep tecnical und a big fight! Mir worn 7-8 Stunden untowegs fir 13 km.
Olles isch perfekt gong bis afn lesten Rapid! Worscheinlich wor i schun zi miede und i hon mir a nimma die Zeit ginummen die Stelle unzischaugen. Af jeden Foll mein Kollege fa Englond hot gimoand i soll mi links holten und boofen, obo er hot mo net gsog wia groass des Loch am Ende isch! Do Ivan wur sogen, hots di gfuttit! A big schwimma wor do oanzige Weg aus dem Loch widdo ausa zi kemm! Zum Glueck hon i Paddel und Kayak widdo gfun! Jedes mol wenn man kayaken geat lernt man wos dozui! Sweet, mir geaz guit!

Whitcombe 4+(5)

2008-01-27T15:40:00.000-08:00

Geston homo eigentlich giwellt amol net paddeln gian, obo wenn do Whitcombe River afn Plan steat nocha konn man net na sogen!
Is Wetto wor traumhoft, do Wossostond perfekt und Heli fliagen isch anfoch berig!

Action afn Hooker River

2008-01-25T17:02:00.000-08:00

Hi, geston homo in Hooker Gletschaboch(4) gikajakt und do sel isch eiskolt! Se hoast man darf net roll und schun gor net schwimm, weil sischt werd man zi an Eiszopfe!
Mir worn a Gruppe zi 5 Paddla und san um 8 Uhr zin Einstieg aufgebrochen! Ziemlich fria, obo mir hom in Nomitog nou in Rangitata gipaddelt! (4+) Es isch wirklich unfein in an Nossen Neopren zi steign! Vor ollem wenn man ihn in do fria waschen muss! Es isch naemlich so, dass in Neuseelond a poor Baeche voseucht san, se hoast a Paziluss hot is gonze lebm in Boch vonichtet! Damit des net af die nicht verseuchten Baeche uebergreift muss man is gonze Kajakzoig mit Soafe wassen odo 2 Toge trucken lossen! (Say no to Didymo) So, i hon koana Zeit kob und wor somit schun amol richtig woch!
So do erste Toal fan Boch isch awin schware und wias so kimb hom 3 fa ins gimisst roll und oando isch iaz a Eiszopfe! Na net wirklich er isch rechzeitig afs Ufo gschumm! Lei guat dass er fa Norwegen isch und is kolte Wosso giwent isch! Brrrr! Is Boot homo gimisst bergen!

Eiskalte Gruesse
Markus

Kajaken kayaken kajaken! Genial!

2008-01-23T20:34:00.000-08:00

Hey,

i woas longsom obo sicho werds longweilig! Olm lei Wosso und kajken!

I muss enk obo lei nou a poor beriga Kajakfotos innestell so long i nou af do Suedinsel bin und oan Boch nochn negsten ochirausch! Do isch anfoch guat zi paddeln!

Worn iaz a poor Toge in Queestown in Routburn, Kawarau und Shotower zi paddeln nocha samo widdo zi die Sandflies noch Fiordland! San dei bluatsuechtig und lestig!

Sem homo in Hollyford (Falls Creek, Marian Creek und Morain Creek) und in Tutoko gipaddelt

Routburn Schluesselstelle

Falls Creek Run

Marina Creek Run (des wor bis iaz do schwarschte obo dofiar do schianschte Boch den i do gsechen hon) longa Rapids!!!!!

Tutoko (des isch a Walk Run, se hoss i, weil mein Boot soffel schware isch) obo guat!

Die negsten Toge geaz zin Hooker River (Mt. Cook River) eisig werds!

See you!

Westcost

2008-01-14T01:23:00.000-08:00

Hey, hon Christchurch hinto mir gilodden und bin iaz ibon Arthur Poss, zi meina Kayakkollegen af die Westcost gfohrn!

Glei in ersten Tog hom mo in Upper Arahura River 4+,5 gimocht. 14.5 km geniales kayaken! Is Wetto wor net ol zi guat, obo do Helikopter hot zum Glueck gikennt fliagn!

2. Tog Kawarau River 4+,5 Paddelsuche! 2 foschidena Teams hom die Toge zuvor 2 Paddels voloren und weil do Wossostond guat wor hommo die Syphone ogikappot obo ohne Erfolg!

3. hom a haufen Plaene kob, obo koando isch augong! somit samo in a Pub Bier trinken gon und Billard spiel gong!

Heite homo beschlossen Richtung Queenstown zi fohren, afen Weg homo in Fox River gikayakt!

Cooool, obo kolt!

Glueck und Freude, und ein bisschen traurig!

2008-01-09T12:59:00.000-08:00

Hoi,

bevor die Evy heite gstarten isch, homo geston nou ein besundoris Erlebnis kob!
Mir hom in Van vokaft, und gleichzeitig a nois Auto gikaft! so a Glueck muss man hom!

Somit konn i heite glei af die Westkueste starten! Sweet!

Des weiteren, wenn man schun darf mit a Travelagent reisen, hom mo ins a feins Hotel und a feins Essen geleisten! Traumhoft!

So wuensch enk olla an schian Tog und im Leben gibs olm Toge wo man a Glueck, obgsechen dass die Evy iaz nimma in Neuseelond isch!

Mazda Capella 1990! is Auto isch fa a poor Schweiza aus Winthertur sie homs Silvy koasn! Danke noamol, sie hom mo an speziell guaten Preis gimocht, i hoff er,sie hebs!

GruesseMarkus

Zeit vergeht!

2008-01-07T14:35:00.000-08:00

Hoi griestenk!

Longsom obo sicho isch die Zeit mit do Evy widdo vorbei und sie bricht in Winto au!

Und do guate Bua isch widdo aloane! Des sein so Momente wo man et wirklich guaten Mutes isch und aus dem Tief muss man erst mol ausa kemm! Bin gsponnt wia long se tauot!

Mein Plan fir die negsten Wochen und Munate schaug so aus, dass i erst

mol meinen Van vokaf, nocha mir a billigis Auto kaf und donoch start i an die Westkueste zi kayaken. Ende Februar surfen und Mitte Maerz fong mit greasta Worscheinlichkeit ba do Bliss-Stick Factory un fir 5-6 Munate zi orbeiten und Spass zi hom.

Moeraki Boulders

Lake Pukaki im Hintergrund Mt. Cook

Mt. Cook und Mt. Tasman

keine Ahnung! Irgend so a Fisch!

Flora und Fauna!

2008-01-02T21:00:00.000-08:00

I hoff es sat olla guat ins noie Johr gerutscht?

Mir hom die lesten Toge den Toal fa Neuseeland gsechen, wos fost koana Bewohna gib, fost!
San im Fiordland giwedn und am suedlichsten Punkt. Richtig einsam! Et wirklich!

Yellow-eyed pinguin

Kea

seal

Milford Sound

Lake Marian

Blumenpracht

Gletscherflug

2007-12-29T13:28:00.000-08:00

Hallo mitanondo!

Geston homo ins wos bsundos gigoennt, an Gletschaflug zin Mt. Cook! Frueh Morgens samo in Hubschrauba gstiegen und ohne Muehe af 3700 m gflogn!

Franz Peppo Gletscha

Mt. Tasman fa Westen

Mt. Cook und Mt. Tasman fa Osten

die Photographin

28 m Projekt mit Steinkontakt

Abendstimmung in der Wildnis

I und die Evy wuenschen enk olla an guaten Rutsch ins noie Johr.

A guits nois Johr is olte isch gor is noie werd kemm viel glueck und segen is gonze Johr!
af englisch
A happy new year the old one is gone the new one is coming, I wish you good luck and health for the new year und so weita......

Markus und Evy

25.12.2007

2007-12-26T16:59:00.000-08:00

Mission2

Do Noie lernt fliagn, und di Evy mocht fleissig Bildo!

Maruia Fall, (flat landing prohibed)

24.12.2007

2007-12-26T16:50:00.000-08:00

Mir san af do Suedinsel unkemm!

Hey nochtraeglich frohe Weihnachten an olla Amigos!

Weihnachten geat do awin unto, weils oanfoch zi worm isch und wenn man nocha 2 Weihnachtsmando afn Strond begegnet, moant man es isch Fosching!

Desmol isch do Vollmune ginau afn 24. gfoll, se hoast es isch widdo mol wos bsundos los!

Mission to the Ocean wor ungsog! 15 km paddeln in Solzwosso und ba wiedriga Vohaeltnisse!

Obbo es hot sich rentiert!

seals ban relaxen, schwimmen und bledln!

das bittere Ende 30 min Boote ziachen wegn Ebbe!

Gruesse
Markus Evy

Taupo Maori Adventure

2007-12-19T16:54:00.000-08:00

Hey,

geston hots in ersten gonzen Tog giregng! Longweilig und noss!

Dofir sammo heite zeitig (9:30 Uhr) ins Kayak gstiegn um die Maori Stoan Skulpturen zu bestaunen! Do kimb man naemlich lei ibo in Wossoweg hin!

do Evy wor is Wetto zi letz, obo sie isch fleissig gipaddelt

na es,er schilcht et!

do guate Bua hot sich gimisst rasiern!

wuensch enk an schian Tog

Markus Evelyna

Urlaubszeit

2007-12-13T15:44:00.000-08:00

Ola,

So iaz isch se wol do, zwor mit 4 Stundn Vospaetung und ziemlich fertig, obo nou olba di Gleiche!

Auckland hots zwor awin giregng, obo mir san glei amol Richtung Norden aufgebrochen!

Einige nette Eindruecke vom Norden und in Peoto und do Martina beste Glueckwuensche zum Tobia^s.

Stott Snowkayakn konn man wol amol Sandkayakn probiern.......

isch des longsom!

Schofe Schofe Schofe, in olla Forbm!

Fruehstueck am Strand mit hungrigen Voegeln

Groesste Baum Neuseelands

Kayakwochenende

2007-12-13T15:33:00.000-08:00

Hey, bevor iaz nocha am Munta di Evelyna kimb, hon i nou a poor Baeche mitn Englaenda James gekrickt, und naturlich Party gimocht!

Somit hon i a mein nois Boot gikennt testn. in Mini Mystik, und i sog enk der isch genial mit special Design!

Afn Plan worn do Kaituna in Rotura3/+4 und do Wairora in Tauranga4/-5.

Schlussendlich homo nocha nou 2 weitara Baeche gikennt mochn, weils des Wochendende jo ginua Wosso gebm hot. Mangakarengorengo 4/5 und Waihaio 3/4.

Mangakarengorengo reentry drop

Mission Week

2007-11-29T21:00:00.000-08:00

Hi,
de Woche wor widdo amol Vollmune und sell hoast Missiontime!
Perfekte Bedingungen!
I und do bayrischo Kollege Jörg!
Samstag: Gstartn Richtung Taupo, es wor mol wos di Rede fa Huka Fall und do Wossostond wor a perfekt! An do Desserdroad nou kurz koltn um an kloan netten Boch zi testn!

Bo i sog enk, do Huka Fall isch volle genial, fast and funny! A poor Touristn hom nou a poor Bildo gschossen de i enk zoag sollte i si kriagn!

Lake Taupo, bei der Abenddämmerung

Am Obend homo nocha Party gimocht! Während in kochen hom ins zwoa Trempa besuicht und de san nocha glei mit ins um die Heiso gizogn. Mein Pustra-daitsch werd a olba schlima! Wenn i Zeit het wurat i jo in Englisch schreibm, obo mir Sitzt grot a Tscheche im Nacken!

Sonntag: Aufbruch Richtung Mt. Egmont mit Sprit-Problemen
Zum Glück hot glei is erste Auto koltn und hot ins 20 km ogschleppm!

In Vulkan homo net bestiegen, obo dofir in Nebenhügel! Mangel an Ausrüstung!
Es wor a zu windig und somit wors genial dass mo in do Hitte ibonochtn gikennt hom!

Vollmond!

sun rice and sun set was great!

Montag-Dienstag: Kayak-Surfen an do Westküste, mit big Shorebraek!
Jörg hot voll di Lodung Sond oubikemm!

Mittwoch-Donnerstag: Es isch in longweilig giwordn und somit homo ins widdo an Boch ausgsuicht. Lei wor der ziemlich stoanig und mir hom kon Plan kob wia long mo paddeln missn!
Bad luck! 12 Uhr samo ingstiegen und 6 Stunden späte homo olba nou koan Ziel gsechn!
Nichts zin Essen miet nichts zin Trinken! obo zum Gück wos ondost unzilegn und zum Glück homo den Camper gfun! Wor leido zuigsperrt, isch a iaz leido nimma!
Mehl + Wasser = Broot. Worn mir froa sobold mo gsechn hom dass do nou oltis Mehl vorhondn isch. Fluss wosso und Foio und man hot wos zwischen di Zende!!
Die Nocht homo guat ibostonden und frühzeitig sammo nocha gstarten um ans Ziel zu kemm

In Camper homo nou 2 Buxen Cola Ligth (Best before 10.2005) gfun!

Have a nice time!
Markus

New Mystic

2007-11-17T23:58:00.000-08:00

Hoi,

iaz homo die Mystic-Form aus Aluminium kriag! Iaz hoasts schleifn wos die Fingo hebm!

Des isch totale Hondorbeit, obo i sog enk wenn i des Boot padl, nocha woas i wers gimocht hot!

des ischs Model, aus dem die Aluminiumform gimocht wordn isch!

in Freita ischs schun amol späta giwordn! 00:30 Uhr

iaz vostea i a die Redewendung" i schleif durch"

(i tui liaba essn) orbeitn ba Sonnenschein

Do in Neuseeland bekimsche gor awin schnell a Forbe! (-:

Grüße
Schleifer Markus

Rangitikei

2007-11-17T23:19:00.000-08:00

Hey, i hoff enk geaz olla guat! Hopas schun die Ski ausgipockt!
I bin olba nou ba do Bliss Stick Factory (dank Matt, der hot des fi mi organisiert, dass i länga bleim mog) und leb a so dohin! A timo ischs awin longweilig, obo iaz san a poor noia Mitorbeita kemm (do Mike fa Kanada und do Jörg fa Deitschlond (wor übrigens lestn Summo in Sterzing ban Protestkajakn und kennt die Pustra)), nocha passt des! Iaz hon i amol a poor Bildo fan Boch gimocht!

Zur Zeit isch awin wianig Wosso in Boch, obo sobolds regng isch richtig berig. Die beste Zeit war obo in Winto! Damit man zin Einstieg kimb, muss man obo 17 km Gravel Road in kaf nemm!

Gimiatlichis einbaddeln

Der isch ca. 10 km long und richtig los geaz noch 6 km.

Jörg im Humbidumpy

Des isch a nettis Hole fi die Playbouta!

Die Ruhe vor dem Sturm

Rapid after rapid!

Übrigens der Boch werd a giraftn! De san gonz schian voruckt und des kostit Material, weil oan Stoan folgt nochn negstn!

A netto Drop, wenn man ihn richtig nimb!

Londschoftlich genial, brauch Regn!

Arbeitskollegen

2007-11-09T12:47:00.000-08:00

Hey, bin widdo amol zin an Internetonschluss kemm!

Stell enk kurz meina Orbeitskollegen vor! San zwor net olla, obo de lossen sich et gerne olichtn!

Des isch do Matt 26, Englaenda, orbeitit fix, vosuicht a Visum zi bekemm um in Neuseeland old zi werden! Dorichtita obo glab i net, weil a lei is Reisen in Kopf hot. Good man!

wenn man lust hot noch voleg man seina orbeit ins Freie!

Des isch do Andy 30, 15 Johr Kayakn, und fis Team New Zealand! Profi! Wor a schun ibrol! Japan Europa Kanada
"Norway is the best place to go kayaking!"
Er mocht die gonz Bliss Stick Kayaks!

Im Hintergrund: des isch do spezielle Ofen

Des worn fi a Woche meina Gleichgesinta! Hom a fi a Boot giorbeitn!
Jorden 19 Kanadia Freak
Bees 19 Kiwi Girl

I hoff i konn enk demnaechst in Boss zoagn! I sog lei oans genial!

See you
Markus

Gruesse an in Kloecka Lois!

2007-11-03T21:12:00.000-07:00

Heit war do Kloecka Lois stolz af mi! Lost mi dozeln!
Bin mit Spielkayak in Boch gong und hon meina gesomta Fischaausruestung mietginum (Silk und 1 Blinka)
Noch a poor Turns in a kloana Welle hot mie do Fischainstinkt gibockt. Schun nochn erstn Vosuich hot riesn Lachs ungibissn. Genial, lei wor er zu groass und mein Soal zi schwoch! Do Silk isch geriss und i hon mein Blinka in Boch ausafischn gimisst. (grot worm ischs Wosso et) Donoch a holba Stunde nichts und af oanmol beist et do selbe groasse Lachs un. Desmol bin is obo bessa ungong und hon somit heit wos gscheids zin essen! Jipiiiii!

Gruesse an in Kloecka Lois!
MARKUS

Boooo gonz guat wor a!

De hot sich a an meinem Fisch in Bauch voll gschlogn! (Kopf und Schwanz)

Iaz ischse olm lestig!

Uebrigens do Rangitikei River isch a traumhoft schiando Tschungel George Boch mit beriga Drops!

Berichte mehra wenn i widdo amol an gscheidn Internetunschluss fin!

Gipfelglueck am Ruapehu 2797 m

2007-10-28T18:36:00.000-07:00

Hoila,
endlich hon i amol wos Onstaendigis gileistn.

Somsta zi Mittog bin i Richtung Ruapehu augibrochn. Fin Somsta wor no schlecht Wetto vorausgsog, ob schun am Obend solls bessa werdn und in Sunta perfekt.

In erstn Poss ca. 1600 hon i a vor mir und somit die erste Probe fi mein Van. (do Ivan wur sogn nou an Poss mehra, wia olt ischen eigentlich do VW fan Ivan?)

Gschoft, zwor awin longsom, obo wos will man mehr.

Scheisslich schaugs aus! Do Gipfel in Nebl! Hon jo Zeit, kochi mo holt a poor Nudel alla Italiana (nichts Bsundos, weissa Nudel mit Oliven Oel), damit ich nocha die 1100 Hoehnmetto leichta schof.

Hon olles miete die Ski, Steigeisen, an Pickel, in Schlofsock und Isomatte, konn somit nichts ma fahlen. Zi do gleichn Zeit san 2 Neuseelaenda a afn Weg, obo de hom koana Ski kob und san unmeglich gschlichn.

Is leste Stuck wor gor awin eisig. Ols so Eiszapflan, durchn Wind hots gformb. Volle miess!

Obo gschoft. um 6a wor i afn Gipfel. eisigo Wind und do Nebel isch gonz wilde mandondo gizogen.

Hon in passenden Moment ogiwortn um a Foto zi schiassen und mir a windstillis Platzl zi suichen. Bingo, im Vulkankrata, beste Vohaeltnisse! Lei hon i mo awin Sorgn gimocht wenn a ausprechn sollat! (vor 4 Wochen hot a se naemlich, seit 17 Johr) Werd schun guit gian.

Wos gessen und in Schlofsock inne! Af oanmol hots et unkeb zi schneibm! Kennat fatale Folgen hom, wenns mie inschneib und do Nebel et weck geat.

Um 11 Uhr, af oanmol reists au! Gewaltig!

Am negsten Tog perfektis Wetto gnial! Schnell di Ostseite oibretton! Austeigen, natuerlich a nodra Rute und soviel wia meglich fa den Vulkan segn. Berig!

Aussicht genial, Schnea wor mehra Eis, obo es hot sich af jeden Foll rentiert.

Uebrigens die ersten 500 Hoehenmetto konn man uebo a Skifeld gian. De san gonz schian fanatisch. Heit wor do leste Tog und geb enk des!

a longa Schlonge!

See you!

Herzlich Willllllkommen Blisstick Factory

2007-10-25T14:01:00.000-07:00

Interessanter Bericht fuer me kayakfriends

Dienstag 10 Uhr morgens hon i endlich die Factory gfun. Lei wor niamand unwesnd. Olles wor offen, sogor is Buero! A holba Stunde drau, kim mo a voll vostabto Orbeita entgegn, freindlich englisch und that's it, I have my job.

A poor wichtiga rules und a Unterschrift und i konn beginnen.

Wenn es des net seg, nocha glab as mos net. 4 Orbeita, olla orbeitn weils inan taug, somit brauchs koana Kontrolle und man konn unfong wenn man will. Olla tools san selbo gimocht, Ofen fis Boot, Ofen fin Rueckenschutz und und und. Is geilschte isch, iaz homse grot in noin Mystic entworfn, awin kliana und die Kante isch net so schorf wia ban groassn, somit ginau richtig groass fi mi. I hoff i konn 3 Wochn bleim. Iaz muss naemlich die Form in Aluminium gimocht werdn, (Fiboglosmodel isch fertig, des mochnse ohne Computer, gort wias ihnen fiar kimb) und nocha muss is gsondit werdn und nocha kenn mo in erstn formen. cool!

Stell nou a poor Bildo die negstn Toge inne!

De Faktory steat mittn in do Pampa, zwischn a haufn Farmer und zin negstn Supermarket bzw. Tankstelle odo Ort muss man 30 min mitn Auto fohrn. crazy!

5 min entfernd isch do Rangitikei River (4+,5) 10 km Run. genial

So, see you!

Meine Plaene

2007-10-25T13:40:00.000-07:00

Gia,

hon a poor gonz beriga Plaene fi die negste Zeit gschmiedit!

Lake Taupo

Des Wochenende wer i fosuichn in Ruapehu (Hoechsto Berg fa do Nordinsel 2797 m) zi besteign. Sem isch nou ginau Schnea um meina Ski zi testn. Zur Zeit homo wido Vollmune. Wenn olles klopit wia i mo des vorstell, wer i Somsta Nomitog afn Berg startn, afn Gipfl ibonochtn, am negstn Tog in do Fria die Ostseite oiduesen bis koan schnea ma isch, widdo austeign und ibo die Westseite zin Auto zrug. Iaz muss i lei nou schaugn wo i a Londkorte herkriag!

Ruapehu 2797 m

Ngauruhoe 2291 m

Plan2, isch do Huka Fall. 160 bis 220 odo 300 kms. Brauch obo dozui a Kajak und viel Glueck.

A Problem kennat di Unfohrt werdn, a big Hole!

Vieleicht wort i pessa bis mo 90 bis 120 kms hom.

4:30 Uhr -1 Grad auf dem Hochplatou (Bild 2-3). Sandsturm 120 kmh. muss fluechten, damit ich nicht im Sand versinke. Mein Van springt an, jaaaaa!

I ma free!

2007-10-22T20:36:00.000-07:00

Hoila i bins,

entlich bin i fa der Stodt aussa! Do wersch man jo gonz nerves, wenn man sich laenga auholtit und nichts fan Lond sig. Bin Richtung Taihape untowegs, weil i sem, in do Blisstick Factory fi a Boot orbeitn will. I hoff es klopit.

Die Hollaenderin darf a widdo miet, vorausgesetzt sie kimb fi die Fohrtspesen au.

Ibo di Coromandel Holbinsel geaz Richtung Tauranga

Ersto Kontakt mit die Animalischn Einwohner fa Neuseeland. Hon mo gidenkt de kennat man streichln, obo de hom a unmeglicha ongst fa mir. Wort lei oans wer i mo schun in die Pfonne haun.

In Rotura, hot man nocha in erstn Eindruck wias in do Hoelle wol riachn werd. (Faula Goggilan, brr....)

I fass is net, olm geat der blede kolte Wind!

See you
Markus

2007-10-14T16:37:00.000-07:00

Gia,

am Somsta hon i mein Auto wol do vokaft! Bin i froa! It was a strange story. 9 Uhr morgens hon i mi afn care market gstellt und bis elfa hergipasst! Mein Autopreis wor weit uebo den fa meina Mitonbieter! Man will holt wos vodian! Af se san 2 deitscha Madlan kemm. Lei do Knuella wor, i hon ihnan is auto 2 Toge dovor weckgikaft, weils ihnan zi toire wor! Somit hom se erst amol gstaunt wia toire des iaz isch. Noch a holba Stunde homo ins gianigt, dass sie mir fis Auto 100$ mehr gebm missn wies i kob hon. Se hot gipasst. I hon a Kloanigkeit vodiant und bins iaz endlich los!

Glei donoch hon i mein travel friend from Holland, Ilsa, okoult und mir san Richtung Whatapu. (Nordwestlich von Auckland)

Do Van isch zwor net so schnell wia mein VOLVO, ob dofiar isch a viel greassa! You have to go slow!

Wenns drausn regng isch voll gimiatlich im Van zi kochn!
A poor, de nebm ins barbeque mochn giwellt hom, san gonz schin noss giwordn!

Am negstn Tog wors volle windig! (120 kmh) Und widdo a gimixtis Wetto. 5 min volle Regen, nocha widdo schian......und so weita.

Mit die Neuseelaenda hon i mi a ungfreindit!

So iaz hon i lama a Woche Englischkurs und nocha geaz Richtung Sueden! Jea!

See you!
Markus

Autokauf in Neuseeland

2007-10-11T12:47:00.000-07:00

Gia amigos,

Auto kafn in Neuseeland isch wia ba ins a Wurst essn gian.
Man geat hin zohlt 5 Euro und is Auto isch dir! Lei man woas net wos drin isch.
Noa konn oan schun amol passiern, wie in meinem Foll, dass i stott oan Auto glei zwoa kaf.
Is Ongebot isch groass und i hon mi net recht entscheidn gikennt. Typisch! A bissl unto Zeitdruck wor i a, weil die Preise iaz zin Summo hin steign und i is negste Wochenende will i fa do Stodt ausa!

Lei wos tui i mit 2a Auto?

Morgen konn i is erste mol vosuichen des umzisetzn wos ins do Franz Peppo (BWL-Lehre in do HOB) gilehrt hot. Selbstaendig wos af die Beine zi stellen. A wenns lei oan Van isch.
Mol schaugn wias Geschaeft laft.

1988 stinky Toyota Van

1984 Toyota Hippy Van - my Van i glab der Johrgong bring mir Glueck

So i bin gsponnt!
Gruesse enko Autohandla

Markus

Waiheke Island

2007-10-07T12:30:00.000-07:00

Griest enk,

Am Sonntag, hon i ginua kob fa der Stodt und bin mit do Faehre noch Waiheke Island gfohrn.

Des isch a Insel ca. 35 min entfernd fa Auckland.

Bin aloane fa oana Bucht in die naegste giwondot. Volle berig!

Privatstrond

Bild oben. Do bin i schwimm gong, obo lei a poor sekunden. Is Wosso wor naemlich ziemlich kolt.

Wies holt meistns so isch wenn man a lone untowegs isch lernt man jemand kennen. In meinem Foll wors a netta Hollaenderin. Somit wor do Weg zrug noch Auckland net so longweilig.

Man sig sich!

Schule und Homestay family

2007-10-04T20:17:00.000-07:00

Salue,

bin iaz seit oana Woche do in Auckland und gea af die Dominion English school. Do Untoricht isch gonz berig und longsom obbo sicho behersch i in englischn Slang a.

Damit i rechtzeitig zin Untoricht kim stea i so um 7:30 Uhr (ItalyZeit: 20.30 an Tog zruge) au und gea nocha ca. 30-40 min zi do Schuile. Des hoast man an "easy morning walk"

Wia a seg san do Leit fa olla Nationen votretn!
Vor ollem fa Korea und Japan! A nettis Volk, hom olm a grinsn drau!

school pool

Donnostog obmd isch olm happy hour (Argentinien, Tschechien, Italien, Japan, Korea)

Und wenn man nocha gistresst und miade hoam kim gibs wos neuseelaendischis zi essn.

Neuseeland Info:

is Obendessn werd dohoam olm af do coatch vorn fernsehea serviert
zin essn wird nichts getrunkn

den kloan tisch homse extra fi mi gimocht!

so und des isch mein Zimmo!

des wor iaz nichts aufregendes, obbo werd schun werdn!
See you!

Erste Eindruecke Auckland

2007-09-29T21:26:00.000-07:00

Auckland isch a coola Stodt! Et weit weck fa down town trift man schun amol a Tirola Kui! Leido vosteat sie koan deitsch. Unto Togs ischs recht worm obo znochts dofir kolt. Blian tuts a schun ibrol und do summo kib! Wuensch enk in der Hinsicht schun amol an schian Winto!

des isch die Wilma

Is Ausgin in Neuseeland isch ungefaehr is selbe wia ba ins, lei extrema! Bin glei schun in do FreakyHorrorShow gilondn! Shit happens

die Hausband

my friend Andrew

san de Strumpfhosn et genial!

Wenns longweilig werd nocha schiast man mit Poella af Oachkatzlan!

Bitte net nochmochn!
Have a nice day!

Auckland erreicht!

2007-09-27T19:38:00.001-07:00

Nach 28 Stunden hab ich nun endlich Auckland erreicht.

Anflug Auckland 5.50Uhr morgens

von Muenchen nach London 2 Stunden aeng und aenger
von London nach L.A. 10 Stunden mit einer Sunde Verspaetung neben einer chicky Muenchnerin (chirugisch veraendert) aenger und noch aenger
von L.A. nach Auckland easy alleine
2 Filme geschaut und einen verschlafen. Ocens thirteen und next, woei Next zu empfehlen ist. cooler Film!

see you!

Abschied nehmen auf der Soca with good friends

2007-09-24T18:18:00.000-07:00

Am 21.22.23/09.07 wors donn so weit Obschied zi nemm! Do Wossostond wor suppo (20-23m/S)und is schluchting genial und is beste fost olla Amigos dobei!

(do Peoto inso Guru passt af ins au wia do Graureio af di Fische, so solls sein!) (Soca 2007)

Es wurde gewandert, viel gekajakt und no mehr gitrommelt

(Stimmungsmusik zur abendlicher Stund - Soca 2007)

Mir hom sogor di Offn losgilossn,

Ivan that's for you! -blisstick-mystic

und in Kajakgott ungitonzt!

Es wor Fenomenal, man sig sich is negste Johr! Thanks

2007-09-03T02:06:00.000-07:00

Gia Amigos,

in meinem Blog werdet ihr berige Bilder und coole Storys von Neuseeland finden.

Bevor es richtig los geht, hier noch einige Bilder, damit ihr bescheid wisst wo ich mich so aufhalte.

surfing St. Girons Plage (Frankreich - Atlantikküste)

hausen Reunion (Frankreich - kleine Insel im Indischen Ozean)

relaxen Lanzarote (Spanien)

kayakn Wasserfall Rhein (Italien)

Aussicht genießen zum Antelao (vom Sorapis-Italien)

skiing Kailbach (Ahrntal-Italien)

Live your life!